അത്തരം ഒരു ഓര്മ്മ പ്രദാനം ചെയ്യുന്ന ഒരു ഗാനമാണിത്. മറക്കാന്' പറ്റാത്ത ''ഓര്മ്മ'' എന്ന വികാരം കണ്ണുനീരാണ് തരുന്നതെങ്കില് അത് എത്ര മാത്രം ദുഃഖസാന്ദ്രമായിരിക്കും ? ഇന്നുമെന്റെ കണ്ണുനീരില് നിന്നോര്മ പുഞ്ചിരിച്ചു.......ഈ വരികള് മാത്രം നോക്കൂ......പ്രിയപ്പെട്ടവരെ പിരിയാത്ത ആരെങ്കിലുമുണ്ടോ? അത് അച്ഛനായാലും അമ്മയായാലും മക്കളായാലും സഹോദരങ്ങളായാലും സുഹൃത്തായാലും പ്രണയിനി ആയാലും വിരഹത്തിന്റെ വേദന നമുക്ക് തരുന്നത് പ്രിയപ്പെട്ടവരുടെ നല്ല ഓര്മ്മകള് തന്നെയാണ്.......
ഒരു പക്ഷെ ഗാനത്തിന്റെ സംഗീതത്തിലും ആലാപനത്തിലും നമ്മള് പെട്ടെന്ന് മുങ്ങിപ്പോകാറുണ്ടെങ്കിലും, ആദ്യമേ തന്നെ വരികളിലേക്ക് നമ്മുടെ മനസ്സിനെ കൊണ്ടെത്തിക്കുന്ന ചില പാട്ടുകളില് ഒന്നായി ഇതിനെ തോന്നാറുണ്ട്.
നഷ്ടപ്രണയത്തിന്റെ വേദന വീര്പ്പുമുട്ടിക്കുന്ന ഒരാളുടെ മനസ്സില് ഒരു സമുദ്രക്ഷോഭം തന്നെ സൃഷ്ടിക്കുന്ന വരികളും അതിനു നിലാവ് പോലെ പെയ്തിറങ്ങുന്ന ഈണവും അതിലുപരി മാന്ത്രികമായ ആലാപനവും ദുഖാര്ദ്രമായ ഒരു ഏകാന്തത സമ്മാനിക്കാറുള്ളതു പോലെ പലപ്പോഴും തോന്നിയിട്ടുണ്ട്. യുവജനോത്സവത്തിലെ ഈ ഗാനത്തിന്റെ പുറകിലുള്ളത് മൂന്നു ജീനിയസ്സുകള് തന്നെ. ശ്രീകുമാരന് തമ്പി , രവീന്ദ്രന് മാഷ് , പിന്നെ സാക്ഷാല് ഗന്ധര്വനും. അവര് മൂന്നു പേരുടെയും സമ്മാനം ''സംതിംഗ് സ്പെഷ്യല്' ആകാതെ പറ്റില്ലല്ലോ. ബാഗേശ്രീ രാഗത്തിന്റെ ഫീല് ആണോ, വരികളാണോ, സംഗീതമാണോ, അതോ ആലാപനമാണോ ഈ ഗാനം ഇത്രക്കും ''ഹോണ്ടിംഗ്' ആക്കുന്നതെന്ന് മനസ്സിലാകുന്നില്ല.
ഈ ഗാനം കേള്ക്കുമ്പോള് പലപ്പോഴും ഓര്മ്മ കൊണ്ട് ചെന്നെത്തിക്കുന്നത് മാഷിന്റെ പുഞ്ചിരിക്കുന്ന ആ മുഖത്തിലെക്കാണ് .... ആ ഓര്മ്മകള് എപ്പോഴും കണ്ണുനീര് സമ്മാനിക്കാറുണ്ട്. ആ നഷ്ടം എത്ര വലുതാണെന്ന് വീണ്ടും വീണ്ടും ഓര്മ്മിപ്പിക്കാന് ഇത് പോലെ എത്ര ഗാനങ്ങള്........ ഈ ഗാനം കേട്ട് ഒരിക്കലെങ്കിലും വേദനിച്ചിട്ടുണ്ടെങ്കില്, നമ്മെ അസ്വസ്തതരാക്കിയിട്ടുണ്ടെങ്കില്, ഒരിക്കലെങ്കിലും കരഞ്ഞിട്ടുണ്ടെങ്കില് ഓര്ക്കുക, അത് ഓര്മ്മ എന്ന അനുഗ്രഹമോ ശാപമോ നമുക്ക് തരുന്ന അവസ്ഥയാണ്.... ഇറ്റു വീഴുന്ന ഒരു തുള്ളി കണ്ണീര്, മനസ്സിലെ പേമാരിയാണ് ...വരികളിലൂടെയും സംഗീതത്തിലൂടെയും ആലാപനത്തിലൂടെയും നമുക്കത് സംവേദനക്ഷമമാക്കിയ ഈ കൂട്ടുകെട്ടിന് നന്ദി..............
ഇന്നുമെന്റെ കണ്ണുനീരില്
നിന്നോര്മ്മ പുഞ്ചിരിച്ചു
ഈറന്മുകില് മാലകളില്
ഇന്ദ്രധനുസ്സെന്ന പോലെ..
സ്വര്ണ്ണമല്ലി നൃത്തമാടും
നാളെയുമീ പൂവനത്തില്..
തെന്നല് കൈ ചേര്ത്തു വയ്ക്കും
പൂക്കൂന പൊന്പണം പോല്..
നിന് പ്രണയ പൂ കനിഞ്ഞ
പൂമ്പൊടികള് ചിറകിലേന്തി..
എന്റെ ഗാന പൂത്തുമ്പികള്
നിന്നധരം തേടി വരും...
ഈ വഴിയില് ഇഴകള് നെയ്യും
സാന്ധ്യനിലാശോഭകളില്..
ഞാലിപ്പൂവന് വാഴപ്പൂക്കള്
തേന്പാളിയുയര്ത്തിടുമ്പോള്..
നീയരികിലില്ലയെങ്കിലെന്തു
നിന്റെ നിശ്വാസങ്ങള്
രാഗമാലയാക്കി വരും
കാറ്റെന്നെ തഴുകുമല്ലോ..
