ശ്രീ ലാൽഗുഡി ജയരാമൻ സാർ വിടവാങ്ങി

ത്യാഗരാജ സ്വാമികളുടെ പരമ്പരയിൽ ജനിച്ച് , കർണാടക സംഗീതത്തിൽ തനതായ ശൈലി രൂപപ്പെടുത്തുകയും വയലിൻ എന്ന സംഗീത ഉപകരണത്താൽ സംഗീതാസ്വാദകരുടെ മനം കവരുകയും ഒട്ടേറെ കൃതികൾ രചിച്ച് ജനപ്രിയമാക്കുകയും ചെയ്ത പദ്മഭൂഷണ്‍ ശ്രീ ലാൽഗുഡി ജയരാമൻ സാർ

വിടവാങ്ങി ... ലോകമെമ്പാടും കർണാടക സംഗീതരീതിയിൽ പുതിയ ഒരു വയലിൻ ശൈലി അവതരിപ്പിക്കുകയും അത് സുപ്രസിദ്ധമാക്കുകയും ചെയ്തു ... ആ ശൈലി ലാൽഗുഡി ബാണി എന്ന പേരിൽ പിന്നീട് അറിയപ്പെട്ടു ... ചെമ്പൈ , ശെമ്മാങ്കുടി , ടി എൻ ശേഷഗോപാലൻ തുടങ്ങിയ പ്രമുഖ ഗായകരുടെ സ്ഥിരം വയലിൻ അകമ്പടി ജയരാമൻ സാർ ആയിരുന്നു ... വയലിനിസ്റ്റ് , കമ്പോസർ തുടങ്ങിയ മേഘലകളിൽ ഒരുപാട് സംഭാവനകൾ നൽകിയ അദ്ദേഹത്തിന്റെ വിയോഗം സംഗീത രംഗത്തിന് ഒരു തീരാനഷ്ടം തന്നെയാണ് ... അദ്ദേഹത്തിന് രവീന്ദ്ര സംഗീതത്തിന്റെ ആദരാഞ്ജലികൾ ...

സച്ചിനും സംഗീതവും തമ്മിൽ എന്ത് ബന്ധം

സച്ചിനും സംഗീതവും തമ്മിൽ എന്ത് ബന്ധം എന്നായിരിക്കും ? നേരിട്ട് ബന്ധം ഒന്നും ഇല്ലായിരിക്കും ... മനുഷ്യൻ കലകളിൽ ഏറ്റവും സ്നേഹിച്ചത് ഒരുപക്ഷെ സംഗീതത്തെ ആയിരിക്കും... സംഗീതത്തിനു മനുഷ്യനെ സന്തോഷിപ്പിക്കാനും ആശ്വസിപ്പിക്കാനും ഉള്ള ഒരു ദിവ്യശക്തി ഉള്ളതാണ് ... അതുകൊണ്ട് തന്നെ സംഗീതവുമായി ബന്ധപ്പെട്ട എല്ലാവരെയും നമ്മൾ സ്നേഹിച്ചു പോകും ... ഇന്ത്യയിലെ എന്നല്ല ലോകം മുഴുവൻ ഉള്ള എണ്ണമറ്റ സംഗീതജ്ഞർ ജനങ്ങളുടെ ആരാധനാപാത്രങ്ങളാണ്.... ഇന്ത്യയിലാണെങ്കിൽ കൂടുതൽ പേരും സ്നേഹിക്കുന്നതും ആരാധിക്കുന്നതും സംഗീത - സിനിമാ - സ്പോർട്സ് മേഘലകളിലെ താരങ്ങളെയാണ് .... ഏതാണ്ട് ഒപ്പം തന്നെ മറ്റു വിഭാഗങ്ങളും വരുന്നു ... എന്നാൽ ഈ വിഭാഗത്തിൽ പെട്ട താരങ്ങളടക്കം എല്ലാവരും ഒരുപോലെ സ്നേഹിക്കുന്ന മറ്റൊരു വ്യക്തിയുണ്ട്‌ ... സച്ചിൻ ടെണ്ടുൽക്കർ !! ക്രിക്കറ്റ് താരം എന്നതിലുപരി ഒരു മനുഷ്യസ്നേഹി . എത്ര ഉയരത്തിൽ എത്തിയിട്ടും എപ്പോഴും വിനയം കൈമുതലായുള്ള വ്യക്തി . അനാഥരും സാമ്പത്തികമായി ബുദ്ധിമുട്ടും ഉള്ള ഒട്ടേറെ കുട്ടികളെ സ്വന്തം ചെലവിൽ ഭക്ഷണവും വസ്ത്രവും നൽകുകയും പഠിപ്പിക്കുകയും ചെയ്യുന്ന ഈ മനുഷ്യനെ അത്ര മേൽ നമ്മൾ സ്നേഹിക്കുന്നു ... ഭാരതത്തിന്റെ അഭിമാനമായ സച്ചിന്റെ നേട്ടങ്ങൾ എഴുതിയെടുക്കാൻ തന്നെ പേജുകൾ വേണ്ടി വരും ... 23 വർഷത്തിൽ അധികമായി ബാറ്റിംഗ് ഒരു കലയായി വിസ്മയിപ്പിക്കുന്ന സച്ചിന്റെ ജന്മദിനം ആണിന്ന് .... ഈ ദിവസത്തിൽ നമുക്കും സച്ചിന് ജന്മദിനാശംസകൾ നേരാം ... സച്ചിന് രവീന്ദ്ര സംഗീതത്തിന്റെ ജന്മദിനാശംസകൾ

പി ഭാസ്കരൻ മാസ്റ്റര്‍

മണ്ണിന്റെ മണവും കാറ്റിന്റെ സുഗന്ധവും നാടൻ ശീലുകളും എല്ലാം ഒത്തിണങ്ങിയ ലാളിത്യമുള്ള പാട്ടുകളുടെ അമരക്കാരനായിരുന്ന

പി ഭാസ്കരൻ മാഷിന്റെ ജന്മദിനമാണിന്ന് ..( April 21 ).. പത്തു വെളുപ്പിന് മുറ്റത്ത്‌ നിക്കണ കസ്തൂരി മുല്ലപ്പൂ പോലെ സുന്ദരമായ ഗാനങ്ങൾ നമുക്ക് തന്ന് നമ്മളിൽ നിന്നും അകന്നു പോയ ആ പ്രതിഭക്ക് രവീന്ദ്ര സംഗീതത്തിന്റെ പ്രണാമം.... _/\_

ശ്രീ സ്വാതിതിരുന്നാൾ മഹാരാജാവ്

ശ്രീ സ്വാതി തിരുന്നാൾ മഹാരാജാവ് ( 13-April-1813 to 27-27-1847)

ഇന്ന് കേരള സംഗീതത്തിന്റെ ചക്രവർത്തിയായിരുന്ന

ശ്രീ സ്വാതിതിരുന്നാൾ മഹാരാജാവിന്റെ ഇരുന്നൂറാം ജന്മദിനം ... സകലകലാവല്ലഭനായിരുന്ന സ്വാതിതിരുന്നാൾ മഹാരാജാവിന്റെ സംഭാവനകൾ ഏവരെയും അതിശയിപ്പിക്കുനതാണ് ... വെറും 33 വയസ്സ് വരെ മാത്രം ജീവിച്ചിരുന്ന അദ്ദേഹം കേരള സംഗീത ചരിത്രം തന്നെ തിരുത്തിയെഴുതി ... മലയാളം , തമിഴ് , കന്നഡ , തെലുങ്ക് , ഹിന്ദി , സംസ്കൃതം മുതലായ ഭാഷകളിൽ ആയിരത്തിൽ താഴെ കൃതികൾ രചിച്ചിട്ടുള്ളതായി പറയപ്പെടുന്നു ...മാത്രമല്ല ഇംഗ്ലീഷ് , ബംഗാളി , ഒറിയ , മറാത്തി തുടങ്ങിയ ഭാഷകളിൽ കൂടി അദ്ദേഹം പ്രാവീണ്യം നേടിയിരുന്നു .... മോഹിനിയാട്ടം എന്ന കലാരൂപത്തിൽ ഇപ്പോഴും അദ്ദേഹം രചിച്ച പദങ്ങളും വർണ്ണങ്ങളും ആണ് കൂടുതലായി ഉപയോഗിച്ച് വരുന്നത് .... രാജപദവി ഏറ്റെടുത്തതിനു ശേഷം അദ്ദേഹത്തിന്റെ കലാസദസ്സിൽ ഒരിക്കലെങ്കിലും പങ്കെടുക്കാത്ത കലാകാരന്മാർ വളരെ കുറവായിരുന്നു ... കലാകാരന്മാരെ അങ്ങേയറ്റം ശ്രീ സ്വാതി തിരുന്നാൾ മഹാരാജാവ് പ്രോത്സാഹിപ്പിച്ചിരുന്നു .... കർണ്ണാടക - ഹിന്ദുസ്ഥാനി സംഗീത വിഭാഗങ്ങളിലായി അദ്ദേഹം രചിച്ച കീർത്തനങ്ങൾ ഇപ്പോഴും ഒളി മങ്ങാതെ നിലനിൽക്കുന്നു ... അപൂർവ്വരാഗങ്ങളിൽ പോലും മഹാരാജാവിന്റെ കീർത്തനങ്ങൾ കാണാം .... അദ്ദേഹത്തിന്റെ ഒരു കീർത്തനമെങ്കിലും ഇല്ലാത്ത ഒരു കച്ചേരി ഇന്നില്ല ....

രാജഭരണം , സാഹിത്യം , സംഗീതം , ജ്യോതിഷം , ഗണിതം , ബഹുഭാഷകൾ തുടങ്ങി സകല മേഘലകളിലും അഗാധ പണ്ഡിതനായിരുന്ന ശ്രീ സ്വാതിരുന്നാൾ മഹാരാജാവിന്റെ ഓർമകൾക്ക് മുന്നിൽ രവീന്ദ്ര സംഗീതത്തിന്റെ പ്രണാമം ....