ഓ.എൻ.വി സാറിന്റെ ജന്മദിനം

മലയാളത്തിന്റെ പ്രിയ കവി

ഓ.എൻ.വി സാറിന്റെ ജന്മദിനമാണിന്ന് ... മലയാള സാഹിത്യത്തിന് നൽകിയ കരുത്തുറ്റ സംഭാവനകൾക്കൊപ്പം മലയാള ചലച്ചിത്ര ഗാനരംഗത്തും ഒരു സവിശേഷ സ്ഥാനം അദ്ദേഹത്തിനുണ്ട് ..... ആയിരത്തോളം ഗാനങ്ങൾ ആ തൂലികയിൽ നിന്നും പിറന്നു ..... ലളിതസംഗീതത്തിലും ഏതാണ്ട് ആയിരത്തോളം ഗാനങ്ങൾ വേറെ .... രചനാഗുണം കൊണ്ട് എല്ലാം ഒന്നിനൊന്നു മെച്ചം .....

രവീന്ദ്രൻ മാസ്റ്ററുമായി മാത്രം ചേർന്ന് അറുപതിൽ പരം ഗാനങ്ങൾ ചെയ്തിട്ടുണ്ട് ... എല്ലാം ശ്രദ്ധേയം ..... സുഖമോ ദേവി , ലാൽസലാം , സൂര്യഗായത്രി , രാജശിൽപി , ആകാശക്കോട്ടയിലെ സുൽത്താൻ , എന്റെ ഹൃദയത്തിന്റെ ഉടമ തുടങ്ങിയവ അതിൽ ചിലതാണ്

ജ്ഞാനപീഠം , പദ്മവിഭൂഷണ്‍, വയലാർ അവാർഡ് , എഴുത്തച്ചൻ അവാർഡ് , കേന്ദ്ര - കേരള സാഹിത്യ അക്കാദമി അവാർഡുകൾ , പത്തിലേറെ തവണ മികച്ച ഗാനരചയിതാവിനുള്ള കേരള സർക്കാർ പുരസ്കാരം , മികച്ച ഗാനരചയിതാവിനുള്ള ദേശീയ പുരസ്കാരം തുടങ്ങി എണ്ണമറ്റ പുരസ്കാരങ്ങൾ ഇദ്ദേഹത്തെ തേടിയെത്തി ....

മലയാളത്തിന്റെ പുണ്യമായ ഈ കവിക്ക്‌ രവീന്ദ്ര സംഗീതത്തിന്റെ ഒരായിരം ജന്മദിനാശംസകൾ ...