പകരം വക്കാനാകാത്ത ഒരു വാക്ക് .... അമ്മക്ക് തുല്യം അമ്മ മാത്രം ..... സ്നേഹം എന്ന വാക്കിന് അമ്മ എന്നർത്ഥം നൽകിയാൽ പോലും അതിൽ തെറ്റില്ല ...... നൊന്ത് പ്രസവിച്ച് നെഞ്ചിലെ സ്നേഹം മുഴുവനും പാലൂട്ടി, കണ്ണിലെ കൃഷ്ണമണി പോലെ കാത്തു സൂക്ഷിച്ച് വളർത്തി വലുതാക്കുന്ന അമ്മ ....
സകല മതങ്ങളിലും ദൈവസ്ഥാനം കൽപ്പിക്കപ്പെട്ടിട്ടുള്ള അമ്മ ....
വളർന്ന് ഒന്ന് കാലുറപ്പിക്കുമ്പോൾ തുടങ്ങും അമ്മയോടുള്ള ചെറുതും വലുതുമായുള്ള വഴക്കുകൾ ... അത് ചെയ്തു തന്നില്ല , ഇത് ചെയ്തു തന്നില്ല , വസ്ത്രത്തിൽ ചുളിവു വീണു , കറിയിൽ ഉപ്പു പോര എന്ന് തുടങ്ങുന്ന ചെറിയ വഴക്കുകൾ.... അങ്ങനെ തുടങ്ങി ഇന്ന് സ്വത്തിനും നോക്കാനുള്ള ബുദ്ധിമുട്ടുകളും എല്ലാം ഓർത്ത് വൃദ്ധസദനത്തിലേക്കെത്തിക്കുന്ന മക്കളുടെ ചെയ്തികൾ ... ഇതെല്ലാം അനുഭവിച്ചാലും ദുഃഖം അൽപം കണ്ണീരിൽ ചാലിച്ച് അലിയിച്ചു കളഞ്ഞു മക്കളുടെ ആഗ്രഹത്തിന് സ്വയം നിന്ന് കൊടുക്കുന്ന അമ്മ .... ഇന്ന് പല അമ്മമാരുടെയും സ്ഥിതി ഇതാണ് .... അച്ഛന്മാരുടെ സ്ഥിതി ഇതാണ് .... അമ്മ ക്രൂരയാകുന്ന സന്ദർഭങ്ങളോ വളരെ വളരെ കുറവും .....
മാതൃസ്നേഹത്തോളം വരില്ല മറ്റൊന്നും എന്ന് പറയുന്നത് എത്ര ശരിയാണ് .... അമ്മമാരെ ഓർക്കാൻ , ആ സ്നേഹത്തെ അറിയാൻ നമുക്ക് ഒരു ദിനത്തിന്റെ ആവശ്യമില്ല .... എങ്കിലും പല ദിനങ്ങളെ പോലെ ഇതാ ഒരു മാതൃദിനവും ....
ഒരമ്മയുടെ സ്നേഹം മുഴുവൻ ആവാഹിച്ച ഒരു ഗാനമിതാ ... മലയാളത്തിന്റെ പ്രിയകവി ഓ എൻ വി സാറും മാന്ത്രിക സംഗീതസംവിധായകൻ രവീന്ദ്രൻ മാസ്റ്ററും അമ്മ എന്ന് തന്നെ പേരിനൊപ്പം ചേർത്ത് നമ്മൾ വിളിക്കുന്ന പ്രിയ ജാനകിയമ്മയും ചേർന്ന് നമുക്ക് നൽകിയ ഗാനം .... കാനഡ എന്ന രാഗം ഈ ഗാനത്തിന് ഒരു പ്രത്യേക ഭാവം കൊണ്ട് വന്നിരിക്കുന്നു ....
എല്ലാ അമ്മമാർക്കും രവീന്ദ്ര സംഗീതത്തിന്റെ പ്രണാമം .... ഒരമ്മയേയും വേദനിപ്പിക്കാതിരിക്കാൻ നമുക്ക് കഴിയട്ടെ ....
Karanayil madom is one of the oldest Vishnumaya Kuttichathan Maha manthrikam temples in Kerala. Located in the beautiful village of Ettuamana, Karanayil Madom is known for its powerful Vishnmaya deity and takes pride in the specialty of rituals conducted here to solve the problems affecting your mind and body.
ReplyDelete