മകളേ ... പാതിമലരേ

മകളേ ... പാതിമലരേ
നീ മനസ്സിലെന്നെ അറിയുന്നോ ...

ഒരച്ഛന്റെ എല്ലാ സ്നേഹവാത്സല്യങ്ങളുമടങ്ങിയ ഗാനം...

ചമ്പക്കുളം തച്ചൻ എന്ന ചിത്രത്തിന് വേണ്ടി ബിച്ചു തിരുമല എഴുതി ആഭേരി എന്ന മനോഹര രാഗത്തിൽ രവീന്ദ്രൻ മാസ്റ്റർ സംഗീതം നൽകിയ മറക്കാനാകാത്ത ഗാനം... മകളെ കൊഞ്ചിച്ചു കൊതി തീരുന്നതിനു മുമ്പ് അവളെ പിരിയേണ്ടി വന്ന ഒരു അച്ഛന്റെ ദുഃഖം ഈ പാട്ടിലൂടെ വരച്ചു കാണിക്കുന്നു... വളരെ ശ്രദ്ധേയമായ വരികൾ.... ഹൃദയത്തിനെ നൊമ്പരപ്പെടുത്തുന്ന സംഗീതം... ദാസേട്ടൻ 'മകളേ' എന്ന് വിളിക്കുമ്പോൾ തന്നെ ആ പിതാവിന്റെ സങ്കടങ്ങൾ മുഴുവൻ ആവാഹിച്ച പോലെ തോന്നും... രവീന്ദ്രൻ മാസ്റ്ററുടെ ഈണങ്ങൾക്ക് ദാസേട്ടനല്ലാതെ ആ ഫീൽ വേറെ ആര് കൊണ്ട് വരാൻ ?

ഈ പിതൃദിനത്തിൽ ( ഫാദേഴ്സ് ഡേ ) ഈ ഗാനം രവീന്ദ്ര സംഗീതം എല്ലാ അച്ഛന്മാർക്കുമായി സമർപ്പിക്കുന്നു..

മകളേ ... പാതിമലരേ
നീ മനസ്സിലെന്നെ അറിയുന്നോ ...
കനവും പോയ ദിനവും നിൻ
ചിരിയിൽ വീണ്ടുമുണരുന്നോ
ഈ കൊതുമ്പു കളിയോടം
കാണാത്ത തീരമണയുന്നോ..

കുഞ്ഞുതാരമായ് ദൂരെ വന്നു നീ
മിന്നി നിന്നിരുന്നോമനെ...
അന്നുറങ്ങാത്ത രാത്രിയിൽ നിൻ
ഓർമ്മതൻ നോവറിഞ്ഞു ഞാൻ
തഴുകി വീണ്ടുമൊരു തളിരുപാൽനിലാ -
വൊളി നുറുങ്ങുപോൽ എന്നെ നീ
അലസമൃദുലമഴകേ

ആരിരാരാരിരാരിരോ ആരിരാരാരിരാരിരോ

ഇന്നിതായെന്റെ കൈക്കുടന്നയിൽ
പഴയ പൂനിലാ താരകം
ഒരു പളുങ്ക് പൊൻ ചിമിഴിനുള്ളിലെ
മണ്‍ചിരാതിന്റെ നാളമായ്
കതിരിടുമ്പൊഴും കാറ്റിലാടാതെ
കാത്തിടും മനം കണ്മണീ
ഹൃദയമിവിടെ നിറയും
ഇനിയുറങ്ങാരിരാരിരോ ആരിരാരാരിരാരിരോ
ആരിരാരാരിരാരിരോ