ഇളയരാജ എന്ന പേരിന് സംഗീതം എന്ന് ആരെങ്കിലും പര്യായം പറഞ്ഞാൽ അതൊരു തെറ്റാകില്ല. തെന്നിന്ത്യൻ സംഗീത ചക്രവർത്തി എന്നാൽ ഒരു കാലത്ത് ഇളയരാജ ആയിരുന്നു. പ്രത്യേകിച്ചും തമിഴ് ചലച്ചിത്ര ഗാനരംഗം. തമിഴ് ചലച്ചിത്ര സംഗീതകാലഘട്ടം ഇളയരാജക്ക് മുമ്പും ശേഷവും എന്ന് നിരീക്ഷിച്ചാൽ പോലും അതിൽ ഒട്ടും അതിശയോക്തിയില്ല.
കർണാടക സംഗീതവും പാശ്ചാത്യ സംഗീതവും നാടൻ ശീലുകളും തുടങ്ങി രാജ സാർ സംഗീത സംവിധാനം ചെയ്യാൻ ഉപയോഗിക്കാത്ത മേഘലകളില്ല . വിവിധ ഭാഷകളിലായി എത്രയോ ഗാനങ്ങൾ !! എല്ലാം ഒന്നിനൊന്നു മെച്ചം . രാജ സാറിന്റെ സംഗീതമാധുര്യം അനുഭവിക്കാത്തവരില്ല. അദ്ദേഹത്തിന്റെ എത്രയോ ഈണങ്ങൾ വിവിധ ഭാഷകളിലേക്ക് കടം കൊണ്ടിട്ടുണ്ട് .
തമിഴ് , മലയാളം , തെലുങ്ക്‌ , കന്നഡ , ഹിന്ദി , മറാത്തി തുടങ്ങി വിവിധ ഭാഷകളിലൂടെ ഇദ്ദേഹത്തിന്റെ സംഗീതം ആസ്വാദക മനസ്സുകളിൽ ഇടം നേടി. ഗ്രാമീണ സംഗീതവും പാശ്ചാത്യ സംഗീതവും കർണാടക സംഗീതവും ഇടകലർത്തിയുള്ള പരീക്ഷണങ്ങൾ എല്ലാം ഒരു പുതിയ അനുഭവമായിരുന്നു . പശ്ചാത്തല സംഗീതമേഘലയിലും രാജ സാർ ഏറെ മികവു കാട്ടി . സംഗീത സംവിധാനത്തിന് മാത്രമല്ല , പശ്ചാത്തല സംഗീതത്തിനും അദ്ദേഹത്തിന് ദേശീയ അവാർഡ് ലഭിച്ചിട്ടുണ്ട് . ദേശീയവും അന്തർദേശീയവും ആയ നിരവധി പുരസ്കാരങ്ങൾ നേടിയ അദ്ദേഹത്തെ ഭാരത സർക്കാർ പദ്മഭൂഷണ്‍ ബഹുമതി നൽകി ആദരിച്ചു . നമ്മൾ ആദരപൂർവ്വം ഇസൈജ്ഞാനി എന്ന് വിളിക്കുന്ന ഇളയരാജ സാറിന്റെ ജന്മദിനമാണിന്ന്. അദ്ദേഹത്തിൽ നിന്ന് ഇനിയും നമുക്ക് ഒരായിരം ഈണങ്ങൾ ലഭിക്കട്ടെ...അദ്ദേഹം ദീർഘായുസ്സായിരിക്കട്ടെ ....
സംഗീത ലോകത്തെ ഇളയരാജ എന്ന ഈ ''പെരിയ'' രാജയ്ക്ക് രവീന്ദ്ര സംഗീതത്തിന്റെ ജന്മദിനാശംസകൾ.....
0 comments:
Post a Comment